మఠంపల్లిలో యూత్ కాంగ్రెస్ రివ్యూ మీటింగ్ అక్టోబర్ 21న మండల స్థాయి సమావేశం

మంత్రి నలమాద ఉత్తమ్ కుమార్ రెడ్డి ఆదేశాల మేరకు ఈ నెల 21న మఠంపల్లి మండల స్థాయిలో యూత్ కాంగ్రెస్ సమీక్ష సమావేశం నిర్వహించనున్నట్లు హుజూర్‌నగర్ నియోజకవర్గ యూత్ కాంగ్రెస్ అధ్యక్షుడు కుక్కడపు మహేష్ తెలిపారు.ఈ సమావేశానికి మఠంపల్లి మండల యూత్ కాంగ్రెస్ నాయకులు, కార్యకర్తలు అధిక సంఖ్యలో హాజరై పార్టీ కార్యక్రమాలపై సమీక్షలో పాల్గొనాలని కోరారు. యువజన కాంగ్రెస్ కార్యకలాపాలను మరింత బలోపేతం చేసేందుకు సమావేశం నిర్వహిస్తున్నట్లు పేర్కొన్నారు. సమావేశాన్ని విజయవంతం చేయాలని మహేష్ విజ్ఞప్తి చేశారు.