రణబాలి ట్రైలర్‌కు ముహూర్తం ఫిక్స్.. అక్టోబర్ 8న విడుదల

హైదరాబాద్, అక్టోబర్ 6,డైనమిక్ డెస్క్

విజయ్ దేవరకొండ, రష్మిక మందన్న జంటగా నటిస్తున్న భారీ పాన్ ఇండియా చిత్రం **‘రణబాలి’**పై అంచనాలు మరింత పెరుగుతున్నాయి. రాహుల్ సంకృత్యన్ దర్శకత్వం వహిస్తున్న ఈ పీరియడ్ యాక్షన్ డ్రామా ట్రైలర్‌ను అక్టోబర్ 8న విడుదల చేయనున్నట్లు చిత్రబృందం ప్రకటించింది. సినిమా అక్టోబర్ 16న థియేటర్లలోకి రానుంది.19వ శతాబ్దం నాటి బ్రిటిష్ పాలన నేపథ్యంలో కథ సాగనుంది. అప్పటి భారతదేశంలో జరిగిన హింస, ఆర్థిక దోపిడీ, అణచివేత వంటి అంశాలను ఈ సినిమాలో చూపించనున్నట్లు చిత్రబృందం వెల్లడించింది. విజయ్ దేవరకొండ ‘రణబాలి’ పాత్రలో, రష్మిక మందన్న ‘జయమ్మ’ పాత్రలో కనిపించనున్నారు.ఇప్పటికే విడుదలైన టీజర్‌కు మంచి స్పందన రావడంతో ట్రైలర్‌పై ఆసక్తి నెలకొంది. అజయ్–అతుల్ సంగీతం అందించిన ‘ఎంతయ్యా సామీ’ పాట కూడా ప్రేక్షకులను ఆకట్టుకుంటోంది. హాలీవుడ్ నటుడు ఆర్నాల్డ్ వోస్లూ కీలక పాత్రలో నటిస్తున్నారు.అక్టోబర్ 8న ట్రైలర్.. అక్టోబర్ 16న సినిమా విడుదల కావడంతో విజయ్–రష్మిక అభిమానుల్లో సినిమాపై ఉత్కంఠ మరింత పెరిగింది.