మేడిపల్లి జ్యువెలరీ షాపులో భారీ చోరీ

మేడిపల్లి పరిధిలోని క్యారెట్ లేన్ జ్యువెలరీ షాపులో సోమవారం తెల్లవారుజామున భారీ చోరీ జరిగింది. గుర్తుతెలియని దుండగులు షాపు షట్టర్‌ను తొలగించి లోపలికి ప్రవేశించి సుమారు రూ.కోటి విలువైన బంగారం, వజ్రాల ఆభరణాలను అపహరించినట్లు సమాచారం. సమాచారం అందుకున్న మేడిపల్లి పోలీసులు సంఘటనా స్థలానికి చేరుకుని పరిశీలించారు. షాపులోని సీసీటీవీ ఫుటేజీని పరిశీలిస్తూ నిందితుల కోసం ప్రత్యేక బృందాలతో గాలింపు చేపట్టారు. కేసు నమోదు చేసి దర్యాప్తు చేస్తున్నారు.