మోతే మండల కేంద్రంలో రాస్తా రోకోగ్రామపంచాయతీ కార్మికుల అక్రమ అరెస్టులకు నిరసన

మోతే, మార్చి 18, డైనమిక్ న్యూస్

తెలంగాణ గ్రామ పంచాయతీ ఎంప్లాయిస్ అండ్ వర్కర్స్ యూనియన్ (సిఐటియు అనుబంధం) పిలుపులో భాగంగా అక్రమ అరెస్టులకు నిరసనగా మోతే మండల కేంద్రంలో బుధవారం రాస్తా రోకో కార్యక్రమం నిర్వహించారు.

“ముందస్తు అరెస్టులు బాధాకరం”

ఈ కార్యక్రమంలో సూర్యాపేట జిల్లా వర్కింగ్ ప్రెసిడెంట్ చిట్యాల రవిచంద్ర పాల్గొని మాట్లాడుతూ, గ్రామపంచాయతీ కార్మికులను ముందస్తుగా అరెస్టు చేయడం తీవ్రంగా ఖండనీయమని అన్నారు. కార్మికులకు కనీసం పోరాడే హక్కు కూడా లేకుండా చేస్తున్నారా అని ప్రశ్నించారు.

ప్రభుత్వ హామీల అమలు కోరుతూ

ప్రస్తుత ప్రభుత్వం మేనిఫెస్టోలో ఇచ్చిన హామీలను అమలు చేయాలని కార్మికులు డిమాండ్ చేస్తున్నారని తెలిపారు. గ్రీన్ ఛానల్ ద్వారా వేతనాలు చెల్లిస్తామని చెప్పి, తర్వాత గ్రామపంచాయతీల ద్వారా చెల్లించాలని మార్చి 2న జారీ చేసిన జీవోను వెంటనే రద్దు చేయాలని కోరారు.

కార్మికుల ప్రధాన డిమాండ్లు

వేతనాలను నేరుగా కార్మికులకు చెల్లించాలి

కనీస వేతనం రూ.26,000గా నిర్ణయించాలి

మల్టీపర్పస్ విధానాన్ని రద్దు చేయాలి

కార్మికులకు ప్రత్యేక కేటాయింపులు చేయాలి

పాల్గొన్న నాయకులు

ఈ కార్యక్రమంలో మండల అధ్యక్షులు నవీన్ నాగరాజు, ఉపాధ్యక్షుడు వట్టికూటి అవిలయ్య, ప్రధాన కార్యదర్శి గజ్జి లింగయ్య, సలహాదారులు జలగం తిరుపతయ్య, వీరయ్య, మహిళా అధ్యక్షురాలు కాంపాటి నాగమణి, చాందిని తదితరులు పాల్గొన్నారు. గ్రామపంచాయతీ కార్మికులు పెద్ద ఎత్తున హాజరై నిరసన తెలిపారు.