బురుగుల తండాలో కలకలం భారీ కొండచిలువ గ్రామంలోకి ప్రవేశించి రెండు కోళ్లను తిని… గ్రామస్తుల చేతిలో మృతి

డైనమిక్ న్యూస్, నేరేడు చర్ల, అక్టోబర్ 30

నేరేడు చర్ల మండలం పరిధిలోని బురుగుల తండా గ్రామంలో గురువారం ఉదయం అపూర్వమైన ఘటన చోటుచేసుకుంది. గ్రామంలోకి భారీ కొండచిలువ ప్రవేశించి రెండు కోళ్లను తినడంతో గ్రామస్థులు భయభ్రాంతులకు గురయ్యారు.

భయంతో ఆవేశానికి గురైన గ్రామస్థులు

సుమారు పది అడుగుల పొడవున్న కొండచిలువ కోళ్లను మింగేస్తుండడాన్ని చూసిన గ్రామస్థులు మొదట భయపడ్డారు. అనంతరం భయంతో పాటు ఆగ్రహంతో చిలువను కర్రలు, రాళ్లతో కొట్టి చంపేశారు.

గ్రామంలో ఇంకా భయం చెదరలేదు

ఈ సంఘటనతో గ్రామంలో ఇంకా భయం వాతావరణం నెలకొంది. పిల్లలు, మహిళలు రాత్రి వేళ ఇళ్ల బయటకు రావడానికి కూడా వెనుకంజ వేస్తున్నారు. అటవీ అధికారులు గ్రామ పరిసరాల్లో మిగతా చిలువల కోసం శోధన చేపట్టారు.