కాసరబాద గ్రామంలో పోలింగ్ కేంద్రాలను పరిశీలించిన ఎస్పీ నరసింహ

సూర్యాపేట బ్యూరో, డైనమిక్ న్యూస్, డిసెంబర్ 11

సూర్యాపేట మండల పరిధిలో మొదటి విడత గ్రామపంచాయతీ ఎన్నికల సందర్భంగా జిల్లా ఎస్పీ నరసింహ బుధవారం కాసరబాద గ్రామంలోని వివిధ పోలింగ్ కేంద్రాలను సందర్శించి ఎన్నికల నిర్వహణ, పోలింగ్ సరళిపై సమగ్రంగా పరిశీలించారు.

వృద్ధులను పలకరించి చేయి అందించిన ఎస్పీ

పోలింగ్ కేంద్రాలలో ఓటు హక్కు వినియోగించుకోవడానికి వచ్చిన వృద్ధులను ఎస్పీ నరసింహ పలకరించి, వారికి చేయి అందించి సౌకర్యంగా పోలింగ్ జరిగేలా చూడాలని సిబ్బందికి సూచనలు ఇచ్చారు.

ఎన్నికల అనుభవం గురించి పెద్దలతో సాహచర్యం

ఎస్పీ వృద్ధులతో మాట్లాడి, ఓటింగ్ అనుభవం ఎలా ఉందని తెలుసుకున్నారు. ఎస్పీతో మాట్లాడిన పెద్దలు తమ అనుభవాలను ఆనందంగా పంచుకోవడంతో పోలింగ్ కేంద్రంలో సానుకూల వాతావరణం నెలకొంది.