ప్రకృతి వ్యవసాయమే భూమికి పునరుజ్జీవనం: మీసాల మురళీ కృష్ణ యాదవ్

డైనమిక్ న్యూస్,వినుకొండ, డిసెంబర్ 26

ప్రకృతి వ్యవసాయం ద్వారా భూమి సారవంతమై అధిక దిగుబడులు సాధించడంతో పాటు భూమికి పునరుజ్జీవనం సాధ్యమవుతుందని వినుకొండ మార్కెట్ యార్డ్ చైర్మన్ మీసాల మురళీ కృష్ణ యాదవ్ తెలిపారు. శుక్రవారం వినుకొండ మండలం కోటప్ప నగర్‌లో నిర్వహించిన పంట కోత ప్రయోగంలో ఆయన పాల్గొన్నారు.

ప్రకృతి సాగుతో ఆరోగ్యకరమైన ఆహారం

రసాయన ఎరువుల వినియోగాన్ని తగ్గించి, ప్రజల ఆరోగ్యాన్ని కాపాడడమే లక్ష్యంగా ప్రకృతి వ్యవసాయం అవసరమని మురళీ కృష్ణ యాదవ్ పేర్కొన్నారు. రైతులు ప్రభుత్వం అందించే ప్రోత్సాహకాలను వినియోగించుకోవాలని సూచించారు.పీఎండీఎస్‌తో భూమి ఆరోగ్యం మెరుగుదల ప్రధాన పంటకు ముందు 30 రకాల విత్తనాలు (పీఎండీఎస్) విత్తడం వల్ల భూమి ఉత్పాదక శక్తి గణనీయంగా పెరిగిందని తెలిపారు.

దిగుబడుల్లో స్పష్టమైన వృద్ధి

పంట కోత ప్రయోగంలో ఎకరానికి సుమారు 27 బస్తాల దిగుబడి వచ్చే అవకాశం ఉందని వ్యవసాయ అధికారులు వెల్లడించారు. గత ఏడాదితో పోలిస్తే ఈ ఏడాది దిగుబడి పెరిగిందని తెలిపారు.

అధికారులు, రైతుల పాల్గొనడం

ఈ కార్యక్రమంలో వ్యవసాయ అధికారులు, ప్రకృతి వ్యవసాయ సిబ్బంది, పెద్ద సంఖ్యలో రైతులు పాల్గొన్నారు.