కష్టం విలువ తెలిసి… పల్లెటూరి నుంచి జిల్లా ఉత్తమ ఏవోగా అరుణ కలెక్టర్ చేతుల మీదుగా అవార్డు

డైనమిక్ న్యూస్, మోతే, మార్చి 7




సాధారణ పల్లెటూరి కుటుంబంలో జన్మించి కష్టపడి ఎదిగిన మోతే మండల వ్యవసాయ అధికారి (ఏవో) అరుణ జిల్లా స్థాయిలో ఉత్తమ వ్యవసాయ అధికారిగా నిలిచారు. జిల్లా కలెక్టర్ తేజస్ నంద లాల్ పవార్ చేతుల మీదుగా ఆమెకు “జిల్లా ఉత్తమ ఏవో” అవార్డు అందజేశారు




రైతులకు అంకితభావంతో సేవలు




2009లో వ్యవసాయ శాఖలో ఉద్యోగంలో చేరిన అరుణ, ప్రస్తుతం మోతే మండల వ్యవసాయ అధికారిగా విధులు నిర్వహిస్తున్నారు. రైతులకు ఆధునిక సాగు పద్ధతులు, పంటల పరిరక్షణ, ప్రభుత్వ పథకాల అమలులో మార్గనిర్దేశం చేస్తూ విశేష సేవలు అందిస్తున్నారు.




కష్టం, ఓర్పుతో సాధించిన గుర్తింపు




సాదాసీదా కుటుంబం నుంచి వచ్చిన అరుణ తన కష్టం, మంచితనం, ఓర్పుతో రైతుల విశ్వాసాన్ని సంపాదించారు. రైతుల సమస్యలను దగ్గరగా తెలుసుకుని పరిష్కారం చూపడంలో ఆమె ప్రత్యేక గుర్తింపు పొందారు.




పలువురికి ఆదర్శం




ఈ అవార్డు ఆమె సేవలకు గుర్తింపుగా నిలిచింది. అరుణ సాధించిన ఈ విజయాన్ని పలువురు మహిళలకు ఆదర్శంగా పేర్కొంటున్నారు. ఈ కార్యక్రమంలో జిల్లా ఎస్పీ నరసింహ తదితరులు పాల్గొన్నారు