అమరజీవి పొట్టి శ్రీరాములు 73వ వర్ధంతికి ఘన నివాళులు పిడుగురాళ్లలో కూటమి నాయకుల నివాళి కార్యక్రమం

పిడుగురాళ్ల, డైనమిక్ న్యూస్, డిసెంబర్ 16




అమరజీవి పొట్టి శ్రీరాములు 73వ వర్ధంతి సందర్భంగా పిడుగురాళ్ల పట్టణంలోని తెలుగుదేశం పార్టీ కార్యాలయంలో సోమవారం కూటమి నాయకులు ఘనంగా నివాళులు అర్పించారు.




తెలుగు ప్రజల కోసం ప్రాణత్యాగం చేసిన మహానీయుడు




ఈ సందర్భంగా నాయకులు మాట్లాడుతూ, పొట్టి శ్రీరాములు తెలుగు ప్రజల ఆకాంక్ష నెరవేర్చేందుకు ఆంధ్ర రాష్ట్ర సాధన కోసం తన ప్రాణాలను అర్పించిన మహానీయుడని కొనియాడారు.




58 రోజుల ఆమరణ నిరాహార దీక్ష




1901 మార్చి 16న జన్మించిన పొట్టి శ్రీరాములు స్వాతంత్ర్య సమరయోధుడిగా, సామాజిక సేవకుడిగా విశేష సేవలు అందించారని తెలిపారు. 1952లో ఆంధ్ర రాష్ట్ర ఏర్పాటు కోసం 58 రోజుల పాటు ఆమరణ నిరాహార దీక్ష చేపట్టి అమరులయ్యారని గుర్తు చేశారు.




ఆంధ్రప్రదేశ్ అవతరణకు కారణం




ఆయన త్యాగఫలితంగానే ఆంధ్రప్రదేశ్ రాష్ట్రం ఏర్పడిందని, అందుకే ప్రజలు ఆయనను ‘అమరజీవి’గా స్మరించుకుంటారని అన్నారు.




కూటమి నేతలు, కార్యకర్తల పాల్గొనడం




ఈ కార్యక్రమంలో పిడుగురాళ్ల పట్టణ తెలుగుదేశం, జనసేన, బీజేపీ పార్టీల నాయకులు, మహిళలు, అభిమానులు తదితరులు పెద్ద సంఖ్యలో పాల్గొని అమరజీవికి నివాళులు అర్పించారు.