కల్లూరు గ్రామం నుంచి కాంగ్రెస్‌లో భారీ చేరికలు బీఆర్‌ఎస్ పార్టీని వీడిన 50 కుటుంబాలు
నేరేడుచర్ల, డైనమిక్ న్యూస్,డిసెంబర్ 3
రాష్ట్ర భారీ నీటిపారుదల శాఖ మంత్రి ఉత్తమ్‌కుమార్ రెడ్డి నేతృత్వంలో కాంగ్రెస్ ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలకు ఆకర్షితులై నేరేడుచర్ల మండలం కల్లూరు గ్రామానికి చెందిన 50 కుటుంబాలు బీఆర్‌ఎస్ పార్టీని విడిచి కాంగ్రెస్ పార్టీలో చేరాయి.
మండల కాంగ్రెస్ కార్యాలయంలో ఘనంగా చేరిక కార్యక్రమం
కల్లూరు గ్రామానికి చెందిన మాజీ సింగిల్ విండో ఛైర్మన్ అనంత శ్రీనివాస్ గౌడ, కొంజేటి కరుణాకర్ ఆధ్వర్యంలో నేరేడుచర్ల మండల కాంగ్రెస్ కార్యాలయంలో ఈ చేరికల కార్యక్రమం జరిగింది. ఈ సందర్భంగా మండల కాంగ్రెస్ అధ్యక్షుడు కొణతం చిన్న వెంకటరెడ్డి కొత్తగా చేరిన కుటుంబాలకు కాంగ్రెస్ పార్టీ కండువా కప్పి సాదరంగా పార్టీలోకి ఆహ్వానించారు.
‘ఉత్తమ్‌కుమార్ రెడ్డి సేవలు ఆదర్శం’
ఈ సందర్భంగా నాయకులు మాట్లాడుతూ…
కెప్టెన్ ఉత్తమ్‌కుమార్ రెడ్డి కల్లూరు గ్రామ అభివృద్ధికి అనేక కార్యక్రమాలు చేపట్టారని, ప్రజల సమస్యలకు ఎప్పుడూ అండగా నిలుస్తున్నారని అన్నారు. ప్రజల సంక్షేమమే లక్ష్యంగా పనిచేస్తున్న కాంగ్రెస్ ప్రభుత్వానికి మద్దతుగా తాము ముందుకు వచ్చామని తెలిపారు.
గ్రామపంచాయతీ ఎన్నికల్లో కాంగ్రెస్ గెలుపే లక్ష్యం
ప్రస్తుత గ్రామపంచాయతీ ఎన్నికల్లో కాంగ్రెస్ పార్టీ అభ్యర్థిగా పోటీ చేస్తున్న చలసాని మంజులను అత్యధిక మెజార్టీతో గెలిపించడమే లక్ష్యంగా ఈ చేరికల కార్యక్రమాన్ని నిర్వహించినట్లు తెలిపారు.
పలువురు నేతల పాల్గొనడం
ఈ కార్యక్రమంలో:మండల వర్కింగ్ ప్రెసిడెంట్ కట్ట రామారావు,మాజీ మున్సిపల్ చైర్మన్ బచ్చలకురి ప్రకాష్,మాజీ సింగిల్ విండో చైర్మన్ చలసాని శ్రీనివాసరావు,గ్రామ కమిటీ అధ్యక్షుడు గుడిలో వెంకటేశ్వర్లు,మాజీ సర్పంచ్ చింతమల్ల సైదులు,మాజీ వైస్ ఎంపీపీ చలసాని మాధవరావు,మార్కెట్ కమిటీ డైరెక్టర్ పట్టయ్య,మత్స్యశాఖ చైర్మన్ వీరయ్య,మాజీ కౌన్సిలర్ నాగయ్య,మాజీ గ్రంథాలయ చైర్మన్ కర్రి సూరిబాబు,బుడిగ రోశయ్య, మట్టయ్య, హుస్సేన్, ఉప్పెల్లి రవి, అనంత సైదులు,మండల యూత్ కాంగ్రెస్ అధ్యక్షుడు ఇషాక్, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.