లంచం అడగడమూ, తీసుకోవడమూ నేరమే— జిల్లా కలెక్టర్ ఇలా త్రిపాఠి

నల్గొండ బ్యూరో, డిసెంబర్ 3 , డైనమిక్ న్యూస్




ప్రభుత్వ కార్యాలయాల్లో లంచానికి తావులేకుండా పారదర్శక పరిపాలన ఉండాలని జిల్లా కలెక్టర్ ఇలా త్రిపాఠి అన్నారు. లంచం అడగడం, తీసుకోవడం చట్టరీత్యా నేరమని, దీనిపై ప్రజలు అప్రమత్తంగా ఉండాలని సూచించారు.




ఏసీబీ వారోత్సవాల ప్రారంభం




ఈ నెల 3 నుంచి 9వరకు నిర్వహించనున్న తెలంగాణ అవినీతి నిరోధక శాఖ (ఏసీబీ) వారోత్సవాలలో భాగంగా, బుధవారం తన చాంబర్లో లంచం నేరమని తెలియజేస్తున్న గోడ పత్రికను జిల్లా కలెక్టర్ ఆవిష్కరించారు.




లంచం అడిగితే వెంటనే ఫిర్యాదు చేయాలి




ఎవరైనా ప్రభుత్వ అధికారి గానీ, ఉద్యోగి గానీ లంచం కోరితే వెంటనే 1064 టోల్ ఫ్రీ నెంబర్ కు కాల్ చేసి సమాచారం ఇవ్వాలని తెలిపారు. ఫిర్యాదు చేసిన వారి వివరాలను గోప్యంగా ఉంచుతామని స్పష్టం చేశారు.




సోషల్ మీడియా ద్వారా కూడా అవకాశం




అవినీతిపై ఫిర్యాదు చేయడానికి టోల్ ఫ్రీ నెంబర్‌తో పాటు సోషల్ మీడియా వేదికలను కూడా వినియోగించవచ్చని జిల్లా కలెక్టర్ తెలిపారు.




వాట్సాప్: 9440 446106




ఫేస్‌బుక్: ACB Telangana




X (పాత ట్విట్టర్): @Telangana ACB




పోస్టర్‌లో ముద్రించిన QR కోడ్ ద్వారా కూడా ఫిర్యాదు చేయవచ్చని వివరించారు.అవినీతి నిర్మూలనకు ప్రతి ఒక్కరి భాగస్వామ్యం అవసరం అవినీతిని నిర్మూలించడంలో ప్రజల సహకారం ఎంతో కీలకమని, పరిపాలనలో పారదర్శకత పెరగాలంటే ప్రతి ఒక్కరూ బాధ్యతగా వ్యవహరించాలని కలెక్టర్ ఇలా త్రిపాఠి పిలుపునిచ్చారు.




అధికారులు హాజరు




ఈ కార్యక్రమంలో ఏసీబీ డీఎస్పీ జగదీష్ చందర్, ఇన్స్పెక్టర్ వెంకట్రావు తదితర అధికారులు పాల్గొన్నారు.