నేరేడుచర్ల మున్సిపాల్టీలో అధికార ‘మార్పులేని రాజ్యం’12 ఏళ్లుగా ఒకే పోస్టులో కొనసాగుతున్న మాజీ పంచాయతీ కార్యదర్శి – ప్రస్తుత మున్సిపల్ కమిషనర్‌పై ప్రజల్లో గుసగుసలు
నేరేడుచర్ల, డైనమిక్ న్యూస్, నవంబర్ 23
నేరేడుచర్ల మండల గ్రామ పంచాయతీ నుండి మునిసిపాల్టీ స్థాయికి ఎదిగినప్పటి నుంచి ఒకే వ్యక్తి పదేళ్లకు పైగా ఇక్కడే పదవిలో కొనసాగడం ప్రజల్లో తీవ్ర చర్చకు దారి తీస్తోంది. అప్పటి పంచాయతీ కార్యదర్శిగా ఉన్న ఈ అధికారి, మునిసిపాల్టీ ఏర్పాటు అయిన తర్వాత కూడా కమిషనర్‌గా పదోన్నతి పొందినా— ట్రాన్స్ఫర్ మాత్రం ఒక్కసారైనా జరగకపోవడం స్థానికంగా పెద్ద ప్రశ్నగా మారింది.
ఒక్క పోస్టు, ఒకే అధికారి–12 సంవత్సరాల సాగుతున్న అధికారం
గ్రామ పంచాయతీ నుంచి మునిసిపాల్టీకి మారిన నేపథ్యంలో సిబ్బంది మార్పులు సహజమని భావించిన నేరేడుచర్ల ప్రజలు, ఎందుకు ఒక్క పోస్టు మాత్రం ఒకే వ్యక్తికి ఎలా కట్టుబడి ఉందో? అని ప్రశ్నిస్తున్నారు. సాధారణంగా ప్రభుత్వ ఉద్యోగుల్లో రొటేషన్, ట్రాన్స్‌ఫర్‌లు పరిపాటి. కానీ నేరేడుచర్లలో మాత్రం "ఒక్కడే, ఎప్పటికీ" అన్నట్టుగా పరిస్థితి ఉందని పలువురు అభిప్రాయపడుతున్నారు.ట్రాన్స్ఫర్ లేకపోవడంపై ప్రజల్లో గుసగుసలు,మునిసిపాల్టీ వ్యాప్తంగా ఈ అంశం హాట్‌టాపిక్‌గా మారింది అని చెప్పవచ్చు
స్థానికులు చెబుతున్న మాటలు:
“ఎందుకు ఇతనికి మాత్రమే ప్రత్యేక సౌలభ్యం?“మరికొందరు అధికారులు రోటేషన్‌లో వస్తుంటే, ఈయన మాత్రం ఇక్కడే పాతుకుపోవడం ఎందుకు?“దీనిలో ఏదైనా అంతర్గత లాబీయింగ్ ఉందా?” “పనుల్లో పారదర్శకత ఉంటే ఇంతకాలం ఒకే పదవిలో ఉండటం సాధ్యమేమీ కాదు కదా?” ప్రజలలో, రాజకీయ వర్గాల్లో, స్థానిక నాయకుల్లో ఇలాంటి ప్రశ్నలు బలంగా వినిపిస్తున్నాయి.అధికారం కేంద్రీకరణతో పరిపాలనపై ప్రభావం?
దీర్ఘకాలం ఒకే వ్యక్తి అధికారంలో ఉండడం వల్ల ఏర్పడే సమస్యలు
పరిపాలనా సరళిలో ఏకపక్ష విధానం,ఒకే వ్యక్తి నిర్ణయాలు తీసుకోవడం ఎక్కువైపోవడం, స్టాఫ్‌పై ఒత్తిడి పెరగడం వంటి ఆరోపణలు వెలువడుతున్నాయి.ప్రజా సమస్యలు పరిష్కారంలో ఆలస్యం కౌంటర్‌కు వచ్చిన సమస్యలు ఒక్కరే నిర్ణయించే విధానం కారణంగా పనులు నత్తనడకన సాగుతున్నాయని పలువురు అంటున్నారు. పర్యవేక్షణ లోపం ఎప్పటికీ ఒకే ప్రాంతంలో పనిచేస్తున్న అధికారిపై ఉన్నతాధికారుల పర్యవేక్షణ సడలిపోతుందన్న అభిప్రాయం బలపడుతోంది.
మునిసిపాల్టీ అభివృద్ధిపై ప్రశ్నార్థకం
నేరేడుచర్ల మునిసిపాల్టీగా ప్రమోట్ అయిన తర్వాత అభివృద్ధి వేగవంతంగా జరగాలి అన్నది ప్రజల ఆశ.అధికారుల మార్పు జరగక పోవడం వలన ఈ అంశాల్లో ప్రజల అసంతృప్తి పెరుగుతోంది.ఈ నేపథ్యంలో 12 ఏళ్ల నుంచి ఇక్కడే కూర్చున్న అధికారి పాత్రపై నేరేడుచర్ల ప్రజల్లో తీవ్రమైన అసంతృప్తి వ్యక్తమవుతోంది.
ప్రజల డిమాండ్
ట్రాన్స్ఫర్–పారదర్శకత–నూతన వ్యవస్థ,స్థానిక వర్గాల అభిప్రాయం స్పష్టంగా మారుతోంది. మునిసిపాల్టీలో కొత్త అధికారి రావాలి.పనుల్లో పారదర్శకతకు మార్గం పడుతుంది.దీర్ఘకాలం ఒకే వ్యక్తి అధికారంలో ఉండే పరిస్థితికి చెక్ పెట్టాలి.”అధికారుల వ్యవస్థలో రొటేషన్ ఉండాలి—అదే మంచి పరిపాలనకు మూలం అని ప్రజలు అంటున్నారు.నేరేడుచర్ల మునిసిపాల్టీలో 12 సంవత్సరాలుగా ఒకే అధికారి పదవిలో ఉండటం, ప్రజా చర్చలకు దారితీయడంతో పాటు పరిపాలనా పారదర్శకతపై కూడా అనేక ప్రశ్నలు లేవనెత్తుతోంది. ప్రజల గుసగుసలు ప్రభుత్వ యంత్రాంగం చెవిన పడేనా?ఈ అధికారిపై మార్పులు జరుగుతాయా?మునిసిపాల్టీ పరిపాలనలో కొత్త దశ మొదలవుతుందా?నేరేడుచర్ల ప్రజలు ఇప్పుడు ఇదే ఎదురు చూస్తున్నారు.