అటవీ హక్కులపై డీ.ఎల్.సీ సమావేశంలోకలెక్టర్ కృతికా శుక్లా, డి.ఎఫ్.ఓ కృష్ణప్రియ

డైనమిక్ న్యూస్, నరసరావుపేట, నవంబర్18




అటవీ హక్కుల దరఖాస్తుల పరిశీలనపై సమీక్ష




అటవీ హక్కుల చట్టం–2006 మరియు సంబంధిత నిబంధనలు–2007 ప్రకారం షెడ్యూల్డ్ తెగల లబ్ధిదారుల అర్హతల పరిశీలన కోసం డిస్ట్రిక్ట్ లెవల్ కమిటీ (డీ.ఎల్.సీ) సమావేశం పల్నాడు జిల్లా గిరిజన సంక్షేమ మరియు సాధికారిత అధికారి డి. అమర సుబ్బయ్య ఆధ్వర్యంలో జరిగింది.అచ్చంపేట మండలం తాడువాయి గ్రామానికి చెందిన 7 మంది లబ్ధిదారులు, బెల్లంకొండ మండలం వెంకటాయపాలెం గ్రామానికి చెందిన ఒక లబ్ధిదారునికి సంబంధించిన దరఖాస్తులపై పరిశీలన చేపట్టారు.




పెండింగ్‌లో ఉన్న డీ.ఎల్.సీ సభ్యుల నియామకాన్ని పూర్తిచేయాలని కలెక్టర్




సమావేశానికి అధ్యక్షత వహించిన పల్నాడు జిల్లా కలెక్టర్ & డీ.ఎల్.సీ చైర్మన్ కృతికా శుక్లా మాట్లాడుతూ, పంచాయతీ రాజ్ సంస్థల ద్వారా నియమించాల్సిన డీ.ఎల్.సీ సభ్యుల నియామకం 2023 నుండి పెండింగ్‌లో ఉండటం ఆందోళనకరమని, దీన్ని అత్యవసరంగా పూర్తి చేయాలని సూచించారు.




అవసరమైన అదనపు తనిఖీలపై అటవీ శాఖ సూచనలు




పల్నాడు జిల్లా అటవీ శాఖ అధికారి మరియు డీ.ఎల్.సీ సభ్యులు కృష్ణప్రియ మాట్లాడుతూ, గత సమావేశంలో లబ్ధిదారుల హక్కులపై ప్రాథమిక పరిశీలన పూర్తయిందని తెలిపారు.అదనంగా చేపట్టాల్సిన ఫీల్డ్ వెరిఫికేషన్‌ను ఆర్.ఓ.ఎఫ్.ఆర్ చట్టం–2006 లోని 12A(6) విధానం మరియు 2007 మార్గదర్శకాల ప్రకారం అమలు చేయాల్సిన అవసరం ఉందని పేర్కొన్నారు.సతైనపల్లి రెవెన్యూ డివిజనల్ అధికారి కూడా సమావేశానికి హాజరయ్యారు.




తదుపరి చర్యలను త్వరితగతిన చేపడతాం: డీ.ఎల్.సీ కన్వీనర్




ముగింపు ప్రసంగంలో డీ.ఎల్.సీ కన్వీనర్ డి. అమర సుబ్బయ్య మాట్లాడుతూ, కలెక్టర్ మరియు అటవీ శాఖ అధికారి ఇచ్చిన సూచనల మేరకు తదుపరి కార్యాచరణను వేగవంతంగా చేపట్టి, అవసరమైన పరిశీలనలను మళ్లీ నిర్వహించనున్నట్లు చెప్పారు.