ఘనంగా సరస్వతీ విద్యానిలయం పూర్వ విద్యార్థుల ఆత్మీయ సమ్మేళనం17 ఏళ్ల తర్వాత కలుసుకున్న స్నేహితులు – గురువులకు ఘన సన్మానం

సూర్యాపేట బ్యూరో, నవంబర్ 9 డైనమిక్




జిల్లా కేంద్రంలోని శ్రీ సరస్వతీ విద్యానిలయంలో 2007–08 విద్యా సంవత్సరంలో పదవ తరగతి పూర్తిచేసిన విద్యార్థులు ఆదివారం ఘనంగా పూర్వ విద్యార్థుల ఆత్మీయ సమ్మేళనం నిర్వహించారు. 17 ఏళ్ల విరామం తర్వాత మళ్లీ కలుసుకున్న స్నేహితులు పరస్పరం ఆప్యాయంగా పలకరించుకొని, నాటి మధుర జ్ఞాపకాలను స్మరించుకున్నారు.




గురువులకు ఘన సన్మానం




ఈ సందర్భంగా పూర్వ విద్యార్థులు తమకు విద్యాబుద్ధులు నేర్పిన ఉపాధ్యాయులను ఘనంగా సన్మానించారు. ఉపాధ్యాయులు మాట్లాడుతూ, విద్యతోనే వ్యక్తి అభివృద్ధి సాధ్యమని, తమ శిష్యులు నేడు వివిధ రంగాల్లో ఉన్నత స్థానాల్లో ఉండటం గర్వకారణమని తెలిపారు.




జ్ఞాపకాలతో ఉప్పొంగిన మిత్రులు




విద్యార్థులు ఒక్కొక్కరుగా మాట్లాడి తమ విద్యారంభ దశలోని సంఘటనలను గుర్తుచేసుకున్నారు. పాఠశాల రోజుల్లోని సరదా సంఘటనలు, కష్టసుఖాలు, గురువుల మార్గదర్శకతను స్మరించుకున్నారు. ప్రస్తుతం తాము చేరుకున్న స్థితి, వృత్తి జీవిత అనుభవాలను పంచుకున్నారు.




సహాయం – సేవా స్పూర్తితో ముందుకు




సమాజంలో కష్టాల్లో ఉన్న మిత్రులను ఆదుకోవాలని, తాము చదివిన పాఠశాల అభివృద్ధికి సహకరించాలని పూర్వ విద్యార్థులు నిర్ణయించారు. గురువులు నేర్పిన క్రమశిక్షణ, విలువలు తమ జీవిత విజయానికి దోహదం చేశాయని పేర్కొన్నారు.




కార్యక్రమంలో పాల్గొన్నవారు




ఈ కార్యక్రమంలో నాటి హెడ్‌మాస్టర్ నరసింహమూర్తి, కరస్పాండెంట్ యానాల వెంకటరెడ్డి, ఉపాధ్యాయులు లక్ష్మికాంత్ రెడ్డి, మురళీకృష్ణ, ఎల్లారెడ్డి, సోమయ్య, లచ్చిరెడ్డి, శేఖర్ రెడ్డి, బ్రహ్మయ్య, పద్మావతి, విక్రమ్ రెడ్డి, మధుసూదన్ రెడ్డి, భాను, జగన్మోహిని, వెంకన్న, సైదులు, సిబ్బంది గీత, సీతారాములు తదితరులు పాల్గొన్నారు.