వైకుంఠ ద్వార దర్శనం సాధారణ భక్తులకు – హర్షనీయ నిర్ణయం : ప్రభుత్వ చీఫ్ విప్ జీవీ

డైనమిక్ న్యూస్,వినుకొండ, నవంబర్ 18

తిరుమల శ్రీవారి వైకుంఠ ఏకాదశి సందర్భంగా సాధారణ భక్తులకు వైకుంఠ ద్వార దర్శనం కల్పించాలనే ముఖ్యమంత్రి నారా చంద్రబాబు నాయుడు సూచనల మేరకు టిటిడి తీసుకున్న కీలక నిర్ణయం హర్షనీయమని ప్రభుత్వ చీఫ్ విప్, సీనియర్ ఎమ్మెల్యే జీవీ ఆంజనేయులు తెలిపారు. మంగళవారం ఆయన మీడియాతో మాట్లాడారు.

పది రోజుల పాటు వైకుంఠ ద్వార దర్శనం

డిసెంబర్ 30 నుండి జనవరి 8వ తేదీ వరకు పది రోజులపాటు భక్తులకు ప్రత్యేక దర్శనావకాశం కల్పించడం అనేది సామాన్య భక్తులకు పెద్ద వరమని జీవీ అభిప్రాయపడ్డారు. మొత్తం 182 గంటల దర్శన సమయాన్ని నిర్ణయించగా… అందులో 104 గంటలను పూర్తిగా సాధారణ భక్తులకే కేటాయించడం ఎంతో సంతోషకరమని చెప్పారు.

టికెట్ల కేటాయింపు – పారదర్శక విధానం

వైకుంఠ దర్శనాల తొలి మూడు రోజులు రూ.300 దర్శనం, శ్రీవాణి దర్శనాలను రద్దు చేయడం ద్వారా సాధారణ భక్తులకే ప్రాధాన్యత ఇచ్చినట్టు వివరించారు.
జనవరి 2 నుండి 8 వరకు రోజుకు 15,000 రూ.300 దర్శన టికెట్లు, 1,000 శ్రీవాణి టికెట్లు రెగ్యులర్ విధానంలో ఇచ్చేలా ఏర్పాట్లు చేసినట్టు తెలిపారు.
మొదటి మూడు రోజులకు ఈ-డ్రిప్ ద్వారా టికెట్లు కేటాయించడం, రిజిస్ట్రేషన్‌ను నవంబర్ 27 నుండి డిసెంబర్ 1 వరకు నిర్వహించడం—all పారదర్శకంగా జరిగిందని అన్నారు.

లాటరీ విధానంలో టోకెన్ల కేటాయింపు

డిసెంబర్ 2న లాటరీ పద్ధతిలో ఎంపికైన భక్తులకు టోకెన్లు కేటాయించగా, టిటిడి వెబ్‌సైట్, మొబైల్ యాప్, సిస్టమ్ ద్వారా రిజిస్ట్రేషన్ అవకాశం కల్పించడం భక్తులకు మరింత సౌలభ్యాన్ని కలిగించిందని జీవీ వివరించారు.

స్థానిక భక్తులకు ప్రత్యేక కోటా

వైకుంఠ ద్వార దర్శనం సందర్భంగా జనవరి 6, 7, 8 తేదీల్లో తిరుపతి–తిరుమల ప్రాంత స్థానిక భక్తులకు రోజుకు 5,000 టోకెన్లు ప్రత్యేకంగా కేటాయించడం టిటిడి యొక్క మంచి నిర్ణయమని ఆయన తెలిపారు.

విఐపీల దర్శనాన్ని సాధారణులకు సర్వదానం

అంతేకాకుండా, ఇప్పటివరకు వివిఐపీలకు మాత్రమే లభించే వైకుంఠ ద్వార దర్శనాన్ని సాధారణ భక్తులకు అందుబాటులోకి తీసుకురావడం సీఎం చంద్రబాబు నిర్ణయాలలో ఒక ముఖ్యమైన నిర్ణయమని, ఈ అడుగుతో భక్తులంతా హర్షం వ్యక్తం చేస్తున్నారని జీవీ ఆంజనేయులు పేర్కొన్నారు.